Mauri ora koutou. E te manwataki o te manawa o tēnei whare wānanga, ka mihi nunui. E hiahia ana ahau ki te tuhi i te Reo Māori i tēnei wiki, nā reira, mēnā kāore koe i te marama ki tāku tūhinga e whai ake nei, tēnā, whakamahia tōku tino hoa, a ChatGPT. Heoi, he mea whakahirahira te whakamahi i te reo, kia kore ai ahau e ngaro i te reo.

 

Ko te ahua nei, kei te mura o te ahi tātou i tēnei wā. Ahakoa te noho motuhake o Aotearoa, e rongo tonu ana mātou i ngā hua kino o ngā mahi o ngā rangatira koretake ki ngā mea e pā ana ki tō mātou oranga. I mea tāku kaiako, ehara tēnei ao i te tōtara wāhi rua, he tōtara wāhi rau kē tēnei ao! Tika, nā ngā mahi a ētahi tāngata, pērā i te tangata karaka nō Amerika, he tino pono tēnei.

 

Engāri, ka titro ana ki ngā kokonga o tēnei whare wānanga, ka kitea te tokomaha ngā rangatira ki kōnei.

 

E kī ana te kōrero, ko ngā rangatahi ngā rangatira mō āpōpō. E kāo! Ko ngā rangatahi ngā rangatira mō ināianei. Nā ngā āhuatanga o ēnei rā, nā ngā whakatau a ngā kaitōrangapū, koinei te wā tika mō tātou ki te ārahi. Nō reira, i a mātou e āwangawanga ana, me ārahi tonu mātou.

 

Me whakamutu ahau i kōnei, heoi anō ka whakamutu ahau ki tēnei. E ai ki ngā kupu rongonui o ōku hoa nō Kai Tahu, ko te mana whenua o tōku ūkaipō, mau ki te manawa tītī. Ahakoa te kaha o ngā hau i tēnei wā, me rere tonu mātou kia pai ai te anamata.